RECOMENDACIÓNS PARA A PREVENCIÓN DO CIBERBULLYING DENDE A CASA
1. RECOMENDACIÓNS PARA
A PREVENCIÓN DO CIBERBULLYING DENDE A CASA:
DESCRICIÓN: Na reunión de principio de curso de nais, pais e
titores; tratarase o tema do ciberbullying, incidindo na prevención e a
implicación das familias na mesma.
METODOLOXÍA:
- Entregarase a cada
familia un decálogo coas recomendacións a seguir desde o entorno familiar.
- Adicaráselle un tempo para que os pais expoñan as dúbidas, experiencias,
opinións, ...
DECÁLOGO PARA A SEGURIDADE WEB NA TÚA FAMILIA
1. Para poder
supervisar o que o teu fillo fai en internet, é necesario saber como funciona
a web:
correo electrónico,
chat, foros, redes sociais, e outras páxinas web polas que navegan os teus
fillos.
2. A mellor
ferramenta contra o ciberacoso é a prevención. Bloquea o contido que non sexa
axeitada para o teu fillo e emprega un programa de control parental que che
avise cando o teu fillo navega por páxinas inapropiadas para a súa idade.
3. Convirte a
navegación en internet nun momento de ocio familiar. Comparte internet cos
teus fillos e coloca o ordenador nun espazo común onde poidas supervisar as
horas que pasa conectado.
4. Axuda aos teus
fillos a crear a súa propia conta de e-mail. Se escolledes proveedores
gratuitos (hotmail, yahoo, gmail, ...) poderán abrir a súa conta sen
proporcionar información persoal. Axúdalles a escoller un nome de usuario que
non revele información persoal.
5. Explícalles a
importancia de non facilitar nunca a súa enderezo, número de teléfono ou
outra información familiar como o nome do centro educativo, os horarios
habituais e as súas actividades extraescolares.
6. Ensina aos teus
fillos que a diferenza entre o que está ben e o que está mal é a mesma que na
vida real. Si ven que alguén molesta a outra persoa en internet non serán
cómplices e informarán a un adulto da súa confianza.
7. Recomenda aos
teus fillos que se guien polo sentido común. Recórdalles que nunca dialoguen
ou amosen signos de confianza con
descoñecidos e que dubiden do que outros escriben en internet, porque pode
ser falso.
8. Advírtelles que
nunca se citen cunha persoa que coñecesen pola rede, do mesmo xeito que nunca
se irían cun descoñecido na rúa. Recoméndalles tamén que non compartan fotos
ou datos persoais con descoñecidos, tanto de si mesmos como dos seus amigos.
9. É posible que
non sempre poidas estar presente mentres os teus fillos naveguen por internet
pero recorda que podes consultar o historial das súas páxinas visitadas.
Faino con discreción para non perder o seu respecto e confianza.
10. É importante
que esteas pendente dos cambios de humor bruscos ou da alteración repentina
de hábitos dos teus fillos en internet.
|
- Si se considera oportuno e se dispón de tempo recoméndase o visionamento
do seguinte vídeo:
"Se leen las cartas"
https://www.youtube.com/watch?v=LAayCQOJOrc
Comentarios
Publicar un comentario